SAMO BASISURUIK

SAMO BASISURUIK
Oleh : Shaff Ra Alisyahbana Dt Malako

Pado akie tahun 1900an, sorang anak dosanak nan karajonyo kalauik maelo jarieng di tapi pasie nan dinamokan pukek tapi. Inyo bagandak jo sorang anak gadih Mandaelieng nan karajonyo dikampuong, salain kasawah ladang juo pai manakiek gatah.
Dek alah batamu rueh jo buku, Bayo Nata ko kawinlah jo Gadih Mandily jo status manjujuo sumando nan artinyo adat Mandaelieng jo adat Nata samo dipakei.
Pado wakatu makam barapak dirumah mintuo nan padusi atou nanggaek dek Marapuley, lalu bacarito apo karajo untuok mamanuhi kahiduikpan nantinyo. Maklum saja hanyo sabulan Marapuley disanagkan tiduo makan sajo. Sasudah naiek pambali, tapaso manaiekkan pambalian alias balanjo rumah tanggo.
Ooo… anggi, disadun aha karejo mu ! kato Bayo Nata dakek padusinyo. Padusinyo manjawab kehe tu saba dohot mangguris katonyo.
Anggo angkang aha karejo..? kato padusinyo dakek Bayo Nata. Kok disiko apolei karajo, namonyo sajo urang di tapi lauik, tantu kalauik. Kehe tu lautan ..? tanyo padusinyo. Indak, ditapi lauik ko ajonyo, Cuma ado juo malingkuong dan sudah itu ditariek basamo-samo inggo kanduo jarieng atou pukek tu. Di Nata ko disabuik “ Pukek Tapi “. Akienyo si mintuo mangatokan ruponyo karajo kalian “ SAMO BASISURUIK “.
Anak jo minantunyo tasentak dek dikatokan samo basisuruik tu. Tantu iyo… Manakiek atou mangguris jo mamukek tapi karajonyo adolah basisuruik yaitu mundur kabalakang. Kalou anak pukek basisuruik maelo pukek dari lauik kadarek, sadang mangguris basisuruik maelo sakin guris manakiek kulik hapea tu.